Arnannguaq Coaching & Mentoring  Recensioni 

Arnannguup oqaasit tusartittagai tusarnaaraangakkit allaaneq ajorpoq aqqusaakkannut tamarmik tunngasuusartut, akuersiniarnera assut sakkortunaarakku nalaannikuusannik sakkortunaarserujussuarnikuunerma kingorna, tusarnaarlugit iluaqutigisaqaakka kisianniuna uanga nammineq akuersinissara tassa kisimi amigaatigiinnariga, eqqartortagai nalunngereeraluarlugit inuttut qamuuna akuersinissara tassa kisimi amigaataaginnartoq nalunngilara, tamannalu angussalugu nalunngikkaluarlugu akuersineq ajulertutut inisseqqanera assut peerusunnarpoq.

Tassaana inuttut ineriartorneq anguniagaqarnerlu nalunikuugikka suunersut.
Imminummi aperisarnikuugama “aamma suna inuuninni ineriartuutigalugulu anguniassagakku? Ajornanga inooqataaguma naammappoq 🤷🏻‍♀️” aallusisinnaanikuunngilanga iluamik seriøsimillu tigusisinnaananga, motivationeqarnanga aallartikkaluaannaq uneqqiinnartarlunga imminummi nalugakku qanoq aallutissanerlunga.

Arnannguaq coaching & mentoring Inuttut ineriartorneq aallartikkakku paasivara sunaaffa imminut aallussinnaaneq inuttullu ineriartorneq taamak pingaaruteqartigisoq, misigissutsit suliaringaatsiarpakka eqqarsartariaaseralu nukkassangaatsiarlugu. Qujamasoqaanga peqataaffigigakku innersuuteqaaralu assut inuppassuarnut qanorpiaq nassuujassanerlugu nalunarami namminerlu misigisassaalluni 🥰🫶🏻

Inuttut ineriartorneq soorlu sukkasoorujussuarmik ingerlalertoq, imaluunniit aamma ullut oqinnerulertut. Pissutigalugu Arnannguaq Coaching & Mentoringip forløbi ingerlataani peqataaninni ullut tamaasa ullakkut unnukkullu qujamasuutinik allattuisalerninni eqqarsartariaasera qisuariaatsikkalu soorlu peqqinnarnerusutut isikkoqalertut uannut avatangiisinnullu.

Imminut ataqqinera annerulerluni, imminut ilikkarnaqaaq🥰 eqqarsaatikka oqinneruleqqapput negativ annikillerujussuarlutik🤩 angajoqqaatut meeqqannut perorsaaniarnera oqinnerusuusilerluni ingasak😍 imminut naleqartinnerulerneq asanninneq tatiginerlu annerulerlutik🥰 nuan ingasak tusarnaarlutit pissarsiaqarnaq🤩

Qujamasuppunga Arnannguaq tunniusimalluni inunnik sullissisoorusunnera pissarsiaqaatingilluartarakku.
Namminerlu inuttut ilisimaarilernissannik sakkungisinnaasannik tunniussaqarsinnaammat.
Qilanaariuaannarpara challenge, coaching, clairvoyance ingerlattussaangaangakkit.

Juni Challengemut peqataaninni nammineq imminut pilluga akisussaaffimmit tingusinissannut ajornakusoortitsisarnera, qanorlu imminut qimerloorsinnaaninnut takunnilerfigivara. Inuit allat pillugit inuunnginnera eqqaasinneqartutut misigiffigaara. Akianut naleqqiullugu pissarsinarnerusupilussuuvoq. Assullu innersuunnarluni, inuttut imminut ilisimanerulernissamut, ajornartorsiutinik ukkatarinninngikkaluarluni kisianni nammineq imminut ingerlariaqqinnissamut sakkussanik taassagukkit immaqaluunniit ilisimaligassatutut taasinnaasannik pissarsinarilluinnarpara. Inuuneq ajornartorsiorfittut isiginagu kisianni ingerlariaqqinnissamut ilisimaligassat pingaarutillit pillugit ilisimasaminik avitseqateqarusunnera qujanartorujuuvoq, spontanioriataartarnera annermik aamma suna tamaat pilersaarutit maleqqinnaarlugit inuuneq kipparitseqqinnaarlugu inuusariaqannginneq ilisimasassatut aamma pingaarutilittut oqariartuutigisarpaa. Inuit allat pillugit inuunerit ingerlattuaannarukku taava una aaqqissuussaq ilinnut tulluartorujussuussaaq. Qujanarlu peqataaninni pissarsiannut. Siunissami sulilluarna <3

Junimi peqataaninni aaliangersinnaanikkut nukittunerulerpunga, siornatigulli nalunngittuaannarnikuuara inuunera nammineq akisussaaffigalugu inullu alla anngortissinnaanagu. Takuara qanoq imminut neriutsittarsimatigalunga allanngoqatigineqarnissannik, inissillugu pisariaqanngitsoq inuk aaliangersimasoq ingerlaqatigeqqissaartariaqannginnera. Malugisalerakkumi ingerlariaqqilersungalu nakkarsaatissaminik ujarlertuaannaavissuusoq, assinganillu uanga taama pineqarsimatillunga eqqartuusseqqajaalertarnera malunnartartoq. Taamaattumik tamatsinnut peqqinnarani atarujoornerput. Ippassaq unnukkut qatanngutinni pulaarsimaarujoorninni malugileriallarakku qanoq kiffaanngisuseqarluni pilluarnartiginera, maluginngisannik najummatsisimasarsimanera takunarluni. Inittoorujussuunikuugami pasitittartuunera, apeqqutaanani ilaquttama akornanniinnerluta. Iluarusuppunga ingerlariaqqinnissannut nukissaqartutut misigileqqagama, imatorujussuaq allanngorniarneq ilungersuutiginngikkaluarlugu nalugisinnaavara imminut ataqqineruleqqallunga killissakkalu eqqarsaatigisinnaaneruleqqallugit. Takisoorujussuusinnaagunaraluarpoq naliliinera, pisunnerinnanniluunniit malugisinnaaleqqavara imminut iluarisimaarlunga pisorujoorsinnaallunga. Qujavunga peqataasimaninnut <3

Arnannguaq Coaching Mentoring-mi peqataaninni ukiup ataatsip maanna sinneqalersumi Workshop-it assigiinngitsut tamaasa Challenge-it tamaasa Forløb.1 aamma Foløb.2 ingerlaannaavillunga peqataaffigiuarnerini inuuninni naqqanninnerpaaffinni 2019-mi Oktober-miik kisernngorunninni averusernermi avinnermi piffissap taassumap kingorna pisartorpassuit assigiinngitsut kisima pigiuarsimavakka kimulluunniit ilaquttannut qaniginerpaasannut sakkortuut pisartut oqaatiginngisaannarsimallugit,piffissamilu sivisuumimi pisartut sakkortusiartuinnartillugit inuunerup toqullu akornaniittarsimaqalunga ullaarpassuarni ullorpassuarni ualerpassuarni unnukkiartornerpassuarni unnuarpassuarni ullaassarpassuarnilu misigissutsit annernarnerpaaffissaminiinneri piffissami sivisuumi ukiuni sisamanngulersuni misigiffigiuarsimallugit inoorusukkunnaarnerpassuit.Suutaarutiivinnikuuvunga tissiivillunga tissinikuuvunga illup iluaniittut pequtit pigisarpassuakka atisat aningaasanik annertuunik annaasaqaatigisimallugit aamma tamakku misigiffiginerini tillingarfigitinnerit oorerpassuarnik akiligassinneqarneq allaat misigisimasimallugit uffalu suutaarutiivittunga.Soorunalimi inuuniapiloornikooqaanga inuuninni ingerlaqqikkusullunga qaagiiniarnissannullu arlaatigut iliuuseqartarsimagaluarluga annerusumilli ikiorneqassananga,napparsimavimmi uninnganerpassuit ilisimajunnaartarnerit anernermik aqutsisinnaajunnaarlunga misigisarsimasunga uppiinnartarlunga allaat pisarsimasunga ukiut sisamat tallimanngortuni siorna Forløb.1 siullermik ingerlannerani sapaatit akunnerini qulini sivisussuseqartumi tamanna tupinnartumik anerninnik aqutsisinnaajunnaartarnera piffissami tassani tammakariartuaarluni naggataatigut tammaavilluni tammakarnikuuvoq misigeqqinngisaannarparalu maannamut tamanna.Isumakkeerinninniarneq imminut isumakkerrniarneq iparaaniarneq akuersinissarlu pisimasunik akueriuminaatseqisanni ilungersunarnerpaajusimapput tamakkua suliarineri Arnannguaq Coaching Mentor-miinninni piffissami sivittortumi.Taamaattumik maannamut killiffinga eqqarsaatigileraagakku qujamasuttaqaanga inuttut ineriartornermik aallutaqalersimanera pillungu,tassami tamanna ingerlattarnerani suliarisimasarpassuakka angusimasarpassuakka takorloorsimanngisaannakkakka allaat tamaanga killiffeqarsinnaanerlunga tupinnartumik imminut suliariuarninni qunussuteqarnanga siooragisaqarnanga pissusilersuutaasarsimasut takusimasakka misigisimasakka tusaasimasakkalu tamaasa allanngornagit ilaartornagit suliarisimalereerlugit angusaqarfigalugit pinikuugama qujasaqaanga nipaallunga Arnannguamut.Qujanaq Arnannguaq inuuninni ilisarisimalersimanerit pilluguilinniittarninni inuunera annaannikuuara ilumoortumik oqassaguma tassa taamaappoq,qaqungu qanimut takulerukkit uummatiga pilluassaaaq pakkullutit eqillutit aqqutissiuussisora siunnersuisora inuttut ineriartornermi qaqeqqinniarninni inuunerma kiveqqississaanut kiveqqinneranullu pisooqataalluinnartuugavit inuuninni puujugassarinngisassarivakkit inuutillunga.Arnannguaq qujanarsuaq,ikinngutigerusuppakkit inuunerma sinnerani taamaattumiksunniuteqarnerit annertoqimmat uannut,

Inuttut ineriartornera killiffinnut pitsaasumut aqqutaavoq, uangalu nammineerlunga akisussaaffilittut iliuuseqartuarninni peqataasarnera ineriartuutigeqaara.
Arnannguamut peqataasarninni challengeni forløbinilu ullumikkumut siunissamullu iluaqutigeqaakka, peqataajuarnissannullu suli kajumissuseqarpunga.
Innersuussinnaavara arlaatigut unittooqqasutut misigisimanermi, anguniagaqarnermi, ulluinnaat assigiiaat ingerlaarfiginerini, alloriaqqikkusunnermi inuunermullu isiginnittariaaseq pitsaanerusoq ingerlatilerusukkaanni Arnannguamut peqataasoqarsinnaanera.
Inuit tamavitta assigiinngitsunik takunnissinnaassuseqarlutalu paasinnissuteqartaratta, peqataanermili tamavitta ineriartuuteqartarnerput nuannaarutigisaqaara.
Qujanaq Arnannguaq Coaching&Mentoring periarfissamik pitsaasumik uannut tunniussisinnaammat.

Nuannersorujussuarmik misigaara. Marlunnilli mikisuuteqarama kisermaassillunga ullut qulit virus’erana nalaani ullaakkut peqataasinnaanikuunngilanga. Pikkunanaarakku. Qaquguugaluarnersoq ammaffigaara misileqqinnissaanut. Qujamasunnaqaaq inuuneq allatorujussuaq misigalugu paasisarpassuit inissitarpassuit. Nuan tupin qujanarujussuarlu

- laannguaq